Sovuq, kiyimni teshib badanga yetuvchi shamolni aytmasa, bu yerdagi qishni qish deb atash ham qiyin. Shu kungacha hammaning og'zida bu yilgi qishning naqadar iliq kelgani haqidagi gap bo'ldi. Ayniqsa, o'tgan yilgi izg'irin bilan qiyoslaganda - balkim eshitgandirsiz, qor ko'pligidan bir nechta futbol o'yini va yuzlab samolyot reyslari qoldirilgandi. Men o'tgan yili Toshkentda edim, lekin o'sha yerdan turib 2010-2011 yilning qishi Angliyada g'ayrioddiy qish bo'lganini hayolimdan o'tkazgandim.
Mana oxirgi 2-3 kun ichida havo nihoyat sovidi. Lekin, rostini aytsam, sovuq tushdi deyishga tilim bormaydi, chunki 0 dan pastga 1-2 daraja tushdi. Velosipedda yurganda ayniqsa seziladi - qo'lqopsiz yurib bo'lmaydi, qo'llar qotib qoladi. Ertalablari atrofdagi hamma narsa - dalalardagi haliyam yashil ekinlardan tortib velosipedlarning egarlarigacha - qirov bilan qoplanadi. Qordan darak yo'q, lekin men uncha noliyotganim ham yo'q. Bizga qirov ham bo'ladi, hozircha. Lekin qishning yarmi qoldi, shuning uchun, qishligin qilsin.
Тошканда эса майин қор ёғаяпти, қиш ва ҳақиқий қиш :) Анчадан бери бунақа серқор қиш бўлмаганди, ишқилиб қолганида шунақа бўлсин!
ReplyDelete